Novitads

 

Concert annual 2016 (09.04.2016)

 

Preziadas amitgas ed amitgs dalla musica da stuors e convischins da Sagogn

 

Sco mintg’onn selegra la Musica giuvenila Aspermont Sagogn da beneventar Vus al concert annual. Igl ei reussiu alla MGAS da tschentar ensemen ina sera da divertiment varionta en collaboraziun culla Scola da musica Surselva e l’Uniun da teater Sagogn.

La musica giuvenila, per sia part, sepresenta cun in vast repertori da tocs ord las spartas marschs, polcas, divertiment sco era tocs concertants. Nies dirigent Michael Cadruvi ha danovamein giu il dun da mussar bein e da rudien ils tocs, aschia ch’ins astga selegrar sin in pèr bialas contribuziuns musicalas.

Naturalmein vegn il star da cumpignia era buca memia cuort, nus selegrein da beneventar Vus ad in sitg suenter concert.

 

Sonda, ils 16 d'avrel 2016, allas 20.00 en halla plurivalenta a Sagogn.

 

Dad in numerus auditori selegra la Musica giuvenila Aspermont Sagogn, sco era l’Uniun da teater Sagogn e la Scola da musica Surselva.

 

program

 

Entschatta sesiun 2015/2016 (31.08.2015)

 

La sonda, ils 17 d'october, entscheiva la MGAS puspei a far musica. Ils exercezis e las preparaziuns egl onn 2015 han la finamira da separticipar cun ina pintga producziun alla fiasta da giubileum da 25 onns dalla Musica giuvenila Lumnezia.

Il concert annual suonda la primavera 2016.

 

 

Instrucziun da musica
Cuors per entscheviders 2015/2016 (11.05.2015)

 

Lessas ti emprender da sunar cornet, passentar ina part da tiu temps liber cun in’activitad musicala e cun glieud cul medem interess?
Annunzias entochen ils 6 da fenadur e quei tier Michael Cadruvi (076/ 324 61 02 / annadas 2006 e pli vegls).


Instrument:      cornet
Lecziuns:          ca. 17 lecziuns per semester
Cuosts:            Fr. 289.- (gruppa)
Cu:                  vegn drizzau suenter igl urari da scola
Nua:                Sagogn (Glion)
Mussader:       Scola da musica Surselva
                       Hanspeter Bircher

 

cedel d'annunzia

 

 

Commember novs 2015/2016 (11.05.2015)

 

Naven dil tierz onn da scolaziun instrumentala dalla Scola da musica Surselva astgan ils affons e giuvenils era far part alla Musica giuvenila Aspermont Sagogn.
Naturalmein ein era musicants da percussiun cordialmein beinvegni.

 

infos mgas

 

Nus selegrein fetg da ti'annunzia.

 

 

Fiasta da giubileum 20 onns (08.11.2014)

 

Preziai lecturs, stimai simpatisants dalla Musica giuvenila Aspermont


Nies onn da musica stat sut l’ensenna d’in eveniment tut special. La Musica giuvenila Aspermont astga festivar ils 8 da november 2014 siu 20avel anniversari. Nus essan ina giuvna brass band cun ina historia viva.


La musica giuvenila ei sviluppada naven da sia fundaziun tochen al gi dad oz cuntinuadamein e vala sco promotura dils sunadurs giuvens ella regiun dalla Foppa. La MGAS secumpona da giuvnas e giuvens da Falera, Laax, Ruschein, Castrisch, Flem e naturalmein da Sagogn. Igl intent da nossa musica ei da francar la cultura da musica intrumentala el vitg mo era ella regiun sco tala. In auter scopo impurtont ei da porscher alla giuventetgna ina plattafuorma da passentar activamein il temps liber. Perquei s’engaschein nus buc mo a caschun dil concert annual e diversas representaziuns en ed ordeifer il vitg, mobein essan era activs sper la rama musicala e quei a caschun da divers camps cun sport e giugs, viadis, grilladas e seras hillaricas.


Il punct culminont digl onn da musica 2014 ei denton segiramein nossa fiasta da giubileum da 20 onns Musica giuvenila Aspermont Sagogn. Il comité d’organisaziun ei premuraus da preparar in program da fiasta che plidenta segiramein in vast publicum.


Viva la musica!

 

 

 

Instrucziun da musica
Cuors per entscheviders 2014/2015 (11.03.2014)

 

Lessas ti emprender da sunar cornet, passentar ina part da tiu temps liber cun in’activitad musicala e cun glieud cul medem interess?
Annunzias entochen ils 26 d’avrel e quei tier Michael Cadruvi (076/ 323 10 85 / annadas 2005 e pli vegls).


Instrument:      cornet
Lecziuns:          ca. 17 lecziuns per semester
Cuosts:            Fr. 289.-
Cu:                  vegn drizzau suenter igl urari da scola
Nua:                Sagogn
Mussader:       Scola da musica Surselva
                       Hanspeter Bircher

 

 

 

Commember novs 2014/2015 (11.03.2014)

 

Naven dil tierz onn da scolaziun instrumentala alla Scola da musica Surselva astgan ils affons e giuvenils far part alla Musica giuvenila Aspermont Sagogn.
Naturalmein ein era musicants sin percussiun cordialmein beinvegni.

 

infos mgas

 

Nus selegrein da ti'annunzia.

 

 

Concert annual 2013 (19.11.2013)

 

Preziai amitgs e preziadas amitgas dalla musica da brass

 

Puspei ei in onn vargaus ed il concert dalla Musica giuvenila Aspermont Sagogn stat avon porta.

Dapi igl onn 2012 concertescha la Musica giuvenila Aspermont Sagogn mintgamai igl atun. Aschia ei quei era uonn il cass. La musica giuvenila cun musicants dall’entira Foppa ha preparau sut la direcziun da Michael Cadruvi in interessant e variont concert per Vus.
Dad udir ein musica da film, litteratura da brass, marschs ed in solo per cornet, trumba, tgiern en es ed eufoni. Il toc prinicipal deriva dalla plema da Jean-Pierre Hartmann. For Broyarde ei in toc original per brass band, screts per la tiarza classa. Il toc pretenda ritmica, bun’intunaziun ed ina gronda musicalitad. Sche la MGAS ademplescha quellas pretensiuns saveis Vus examinar ils 30 da november allas 20.00 en halla plurivalenta a Sagogn.
In ulteriur punct culminont dalla sera da concert ein las presentaziuns dils musicants giuvens ch’absolveschan il cuors d’entscheviders alla scola da musica a Glion. Sut la bitgetta da Hanspeter Bircher presentan era els entgins tocs al publicum.

 

Data da concert:
Sonda, ils 30 da november allas 20.00

 

Il concert ha liug en halla plurivalenta a Sagogn. Suenter concert beneventa la MGAS tuts da star cumadeivlamein da cumpignia. Ils musicants surveschan zatgei encunter la seit sco era encunter la fom.

 

La Musica giuvenila Aspermont Sagogn selegra da Vossa viseta.

Cordials salids e “Viva la musica!”

 

Musica giuvenila Aspermont Sagogn

 

program da concert

 

 

Let's get started! (07.07.2013)

 

L'emprema emprova ha liug ils 8 d'uost en casa da scola. Dad ina stedia participaziun selegra

la MGAS.

 

 

1. d'uost 2013 a Sagogn si Plaun Pigniel (07.07.2013)

 

Igl 1 d’uost embelein nus la fiasta ed il til da lampiuns a Sagogn si Plaun Pigniel communablamein cull'Uniun da musica Sagogn. Organisada vegn la fiasta dall'Uniun da giuventetgna Sagogn.

 

 

2012.11.12 Concert d'atun

 

La Musica giuvenila Aspermont Sagogn ha semtgau in fetg bi concert per vus. Per mintga ureglia havein nus preparau ina massa bials tuns. Nies concert cuntegn tut naven da marschs da concert, in solo da trumba, tocs da pop tochen tocs da film.


Da Vossa viseta selegrein nus fetg

.

sonda, ils 17 da november 2012, allas 20.00 uras en casa da scola Sagogn

 

program da concert

 

 

 

Fiasta dil vitg Falera

 

Il proxim termin d'ina producziun musicala dils giuvenlis ha liug a Falera ils 4 d'uost 2012 a caschun dalla fiasta dil vitg.

 

 

Proxim Event: Fiasta cantunala da musicas giuvenilas a Jenaz

 

Per l'emprema ga separticipescha la MGAS ad ina concurrenza. Cul toc "Indian Summer" vegn la muscia giuvenila a sespruar da cuntentar la giuria. Il toc dil cumponist Eric Ball ei screts en quater parts:

1. part: “The great Chiefs speaks” (Der Häuptling redet) 2. part: “By the cool Water” (Beim kalten Wasser) 3. part: “Totem Dance” (Tanz des Schutzgeistes) 4. part: “Hymn to the great spirit” (Hymne vom grossen Geist).

 

La fiasta ha liug ils 16 da zercladur a Jenaz. Pli bia infos sut:

Jugendmusikfest Jenaz

 

 

 

Concert communabel
Cadets dalla Scola cantunala Cuera e la Musica giuvenila Aspermont Sagogn

 

Era uonn astgan ils musicants giuvens dalla Musica giuvenila Aspermont Sagogn dar in concert communabel. Sco gia igl onn 2004 dein nus in concert cun ils Cadets dalla Scola cantunala Cuera.


Da vossa viseta selegrein:

venderdis, ils 11 da matg, allas 20.00 uras a Cuera

sonda, ils 12 da matg, allas 20.00 uras en casa da scola Sagogn

 

Konzertprogramm

 

 

Concert communabel
Musica giuvenila Lumnezia e Musica giuvenila Aspermont Sagogn

 

La Musica giuvenila Lumnezia e la Musica giuvenila Aspermont Sagogn astgan mirar anavos sin dus fetg buns concerts.

.

 

 

 

Beinvegni tier la MGAS!

 

Viadi egl Europa Park 2009

 

Cheu eis ella finalmein, la nova pagina dalla Musica giuvenila Aspermont Sagogn (MGAS).

Tut las infos davart da nus, anflei Vus cheu.

 

Bia plascher culla pagina!